一眾《C9特工》為新劇出席造型記者會。

無綫新劇《C9特工》舉行記者會，再度擔任女主角的高海寧在劇中是特工，亦是師奶，基於角色設定，一貫的性感演出將不會於新劇出現。「一啲唔性感架，同埋著褲居多，最多都係著得貼身少少，因為做特工點都有啲動作戲。去到師奶戲份時，監製仲會叫我將打底嗰件背心拉高啲再高啲。（係咪即係做黃面婆？）而家啲C9都好靚架，有好多靚太架，但都真係要化淡妝。」高海寧說。

沒有了性感演出，觀眾可專注於高Ling的演技，而且劇中更有兩大男神──馬國明及黎諾懿一同搶奪高Ling，發展出三角感情線。對於有兩位猛男傍住拍劇，高Ling坦言沒壓力，反而覺得安心：「馬明之前合作過《賭城群英會》，嗰時同佢拍咗3個幾月，都知佢係個nice又無脾氣嘅人，所以同佢相處好舒服唔會有壓力。至於黎諾懿，我哋合作咗好多次喇，頭先佢仲話：『見到高Ling都覺得悶喇。』我話：『我見你唔悶咩？』所以基本上對住佢兩個都唔係太大壓力嘅，反而俾到安心感我，我先可以放鬆啲去睇下擦得出咩火花。」

兩位男神開玩笑說有要加親熱戲，高Ling霸氣回應：「加咪加囉，邊個怕邊個啫，我唔怕架！」（陳順禎攝）

火花，或者在兩男一女的劇情中擦出，亦可能在親熱戲中擦出，事關黎諾懿曾笑指劇本首幾場戲便已有馬國明與高Ling的床戲。對於床戲，高Ling打了個突：「有床戲咩？點解我唔知嘅？實係佢兩個亂講啦，成日都話要加要加，又話要低胸啲。（如果佢哋真係說服到監製咁點算？）加咪加囉，邊個怕邊個啫，我唔怕架！」

其實，高Ling已不是第一次擔正劇集女主角，對上一套是年拍畢的《婚姻合伙人》。對於首部擔正女一的劇遲遲未播出，有指是劇情一般成為倉底劇，問到高Ling會否怕《婚姻合伙人》拍出無期，她說：「上年4月先拍完，啱啱1年啫，而且我上年年尾先去配音，因為我拍到最後失晒聲，好多音要配。然後我見啲配樂依家都做晒，所以我估都快出架喇。」她還補充該劇故事很吸引，與楊明飾演夫婦的對手戲高潮一浪接一浪：「其實個故仔好好睇，平時啲故仔可能慢慢慢慢先入高潮，我哋一嚟就嘭嘭聲架喇！男女主角兩人性格都係硬碰硬，所以好多嗌交戲，嗌完之後又突然間狂錫，好激烈。我諗呢套劇係我拍最多錫戲嘅一套，基本上係多過我其他所有嘅作品加埋。」

高Ling透露日前身体不适，更要做小手术：“呢排身体差啲，我今日个样都肿，去唔到水肿。”她解释一星期前不停流鼻血，检查后发现鼻里生了血管瘤，所以要做手术割掉，她说：“好彩系良性，但都要好好保重身体。我做完手术第二日试造型，之后又发高烧，依家气管敏感，成日咳又瞓唔到，所以精神方面比较差，家人都担心。”高Ling指剧集戏份很重，所以开拍前要先养好身体。

马国明以一身卖菜造型，于将军澳电视城出席新剧《C9特工》造型活动，他笑说：“我成个剧都系呢个造型，型嗰啲留番畀高海宁（高Ling）做啦！因为佢系特工嚟！佢应该会练吓身手，佢有好多动作戏。”他指动作戏集中在高Ling身上，笑言自己是剧中最舒服的一个。剧中与高Ling饰演夫妻，马国明表示之前与对方合作《赌城群英会》，觉得高Ling很勤力：“无綫都唔够花旦，都要有多啲花旦出嚟。我都好开心可以同新拍档合作，要试同唔同人合作先有新嘅火花，黎诺懿都10几年冇合作，咁耐再合作都有新鲜感。”不过，马国明就嫌高Ling的造型不够性感，笑言对方应该穿贴身及紧身衫，或着围裙做家务。问到与高Ling可有亲热戏，他笑说：“都有，始终做两公婆。我同黎诺懿争高Ling，我做卖菜佬，诺懿做特工，唔知高Ling会点拣。”

预览时标签不可点

转载请注明：http://www.fqmpm.com/ways/9500.html